Ásdís galdranorn Jónsdóttir

Ekki er öll vitleysan eins!

þriðjudagur, mars 28, 2006

Arnar Snæberg hringdi í mig í gær heldur kátur Úppsipúpps.. Nú á að fara að gera mig að fokking knattspyrnutippara. ég er skíthrædd við það .það væri nú ljótt ef ég yrði fíkill.... aldrei missa af enska boltanum o.s.frv.Djísus....Það hlakkaði í honum kvikindishátturinn ... sennilega minnugur þess þegar ég fékk að kreista bólur á nefinu á honum gegn því að hann fengi að fræða mig um enskudeildarliðin... Ein bóla... og ég neyddist til að hlusta á heilann fyrirlestur..
Og þannig áfram.

mánudagur, mars 27, 2006

Þá koma hér framkvæmdaáætlanir fyrir höfðagötu 7. og eru það reyndar óraunhæfar óskir mínar og byggjast á því að það fari að snjóa peningum. Mjög ótrúlegt.

Klára þann helminginn af eldhúsinu sem er eftir

no 1: Panel á gluggavegginn sem snýr fram og að dyrunum.
No 2: loftlista á þrjá vegu.
no 3: Flísar á vegginn undir skápunum þar sem eldavélin og vaskurinn er.
no 4: Lítil æðisleg ljós undir skápana svo ég geti hætt að hafa höggorminn hangandi þar til að sjá til að þvo upp.
no 5: Flota gólfið OG
no 6: Dýrt flott gólfefni Veit ekki hvernig : tillögur óskast !!!!
no7 : skálista við þröskuldinn.

Uppi á lofti er ég með svo stórkostlegar hugmyndir ( þ.e. á minn mælikvarða) að ég veit ekki hvort ég ætti að ljósta upp um þær. Auðvitað er öllum sama nema mér ,en þetta er nú mitt blogg og fyrir mig og þá sem nenna að lesa það.

Í það þarf ég efni í Ýmislegt t.d. stóran tauskáp, málningu, gólfefni, loftlista, gólflista, feluskáp fyrir lagnir, (get smíðað hann sjálf), sturtuklefa, klósett, nettan vask, nokkra smiði eða einn góðan, Árdísi og Halldór Eydal með málningar og skipulags ráðgjöf. Basta.

Tækist þetta yrði ég mjög ánægð, ég er reyndar mjög ánægð...ÆÆÆ
ég gleymdi stofuglugganum sem sóffinn fór inn um Semsagt Hann líka.
Gler í þennan stofuglugga sem varð að fórna til þess að stofan mín fengi sóffa..
Tækist þetta
Það eru að koma páskar Úff ..og bráðum koma jólin ...

sunnudagur, mars 26, 2006

Ég er ekki búin að jafna mig eftir árshátíð skólans, ég er svo gagntekin af því sem þar fór fram. allur söngurinn og leikurinn, og það voru allir með. Ég er viss um að þetta er besti skóli á landinu. Ég var heppin að hafa hlustað á æfingu fyrr um daginn annars er ég viss um að ég hefði orðið til skammar þarna um kvöldið.
Ég er með þeim ósköpum fædd að tárast allhressilega þegar ég heyri tónlist sem mér þykir falleg að heyra" Synetu," Stelpan sem starir á hafið," Kveðju (Sól að morgni) Og Öll hin lögin hans Bubba. þvílíkt flott " Það er garður við götuna" Þetta eru perlur. Og allt rokkið hans.
Það var sérlega áhrifamikið og flott atriðið þegar eiturlyfin sóttu að honum þangað til hann allt í einu gat ekki meira, og setningin." Ef ég hef komist á toppinn þá er kalt þar og einmanalegt."
Í gær lagði ég af stað í Bjarnarfjörð eftir hádegið í svona Snjó Idolferð. Ég var búin að gleyma því hvað það er gaman að glíma við skafla.Og var búin að fara upp tvo og komin efst í þann þriðja þegar kagganum þóknaðist alltíeinu ekki að fara lengra, Ekki nóg spítt í skaflinn sem var doldið djúpur og bifreiðin þversum og klossföst...Birtist síðan bjargvætturinn Lói á grænu tojotunni og dró gamla kaggann upp. fór svo yfir hálsinn og í Svanshól með Ólafi. Að loknu Idoli og Kaffi og vöfflum að hætti Höllu hélt ég heimleiðis, og þar sem hafði skafið, var ég í bandi niður skaflana frá því fyrr um daginn, Niðurdregin Tojota, Síðan þegar ég kom út í fellabök hurfu alltí einu bremsurnar, hvert þær fóru veit ég ekki en þær fóru allavega,og nú er snjókagginn minn bremsulaus, Hæfir skel kjafti.... Hann skal nú samt í lag !!!!

laugardagur, mars 25, 2006

Hvað haldið þið svo ..er ekki Ragnheiður Sara dottin út í Idolinu. Ég er ofsalega spennt að sjá Idolið þó ég gæti það ekki í gær ég fékk samt að heyra úrslitin í beinni gegn um símann. Spennandi maður vaaaá. Nú ætla ég að fara yfir að Svanshóli á eftir að horfa á þáttinn endurtekinn.
Og ég var aldeilis heppin að fara á æfingu hjá krökkunum í gær .. annars hefði ég orðið mér til skammar innan um allt fólkið í gærkvöldi. Þau elstu sungu og spiluðu lögin hans Bubba Mortens og kynntu ferilinn hans, og litlu krakkarnir sungu líka "Sól að morgni" og ég sem græt alltaf þegar ég heyri eitthvað svona fallegt, úthellti þvílíku táraflóði að Hrafnhildur mín hélt að ég væri með ofnæmi. Ég held að Bjarna finnist fyndið þegar ég er að grenja svona yfir einhverjum lögum. Mér þætti ekki mikið þó hann táraðist líka þegar Allý er að syngja Hún er alveg stórkostleg Og Agnes mín Og allir þessir krakkar, þetta eru snillingar. Og það sem kennararnir eru búnir að gera. Það er ekkert smávegis. Myndin af þorpinu á veggnum er æðislegur. Myndavélin mín er lasin svo ég get ekki tekið myndir í bili og þykir það afar leitt.
Það er allt að gerast. vatnslitanámskeiðið á fimmtudagskvöld. ég reyndi að gera mynd af sólaruppkomu eftir geggjaðri mynd sem ég tók í fyrrasumar..vatnslitamyndin er ennþá geggjaðri allavega var hún það meðan hún var blaut. ég ætla að kíkja á hana á eftir.
Í gær var árshátíð skólans SVAKALEGAFLOTT ég ætlaði út í félagsheimili að hjálpa til fyrir hádegi en það stóðst ekkert af .því sem ég ætlaði að gera fyrir hádegi kannske af því að þegar ég fór út úr útidyrunum æddi ég á ég dobíu af grýlukertum sem héngu fyrir dyrunum. Svo fór ég í félagsheimilið og fékk að mála pínulítið á stóra veggnum OG Ég lofthræddasta manneskja í heimi, klifraði efst upp á stillansinn og gerði þar þrjá glugga á hús, einn var pínulítið skakkur því fyrst var ég svo svakalega skjálfhent en svo lagaðist það. Nú er ekkert annað fyrirliggjandi en að taka að sér að klifra upp á stillansa og gera þar glugga á hús. Mér leið bara ekkert illa þarna uppi en hugsaði með hryllingi til þess að fara niður en það gekk bara vel. Núna er ég búin að þvo upp helling af leirtaui ..ekki veit ég hvernig þetta safnast alltaf svona upp, eins og það fari sjálft ofan úr skáp og leggi sig í vaskinum. svo er ég búin að gefa kettinum" Skottu" getnaðarvarnapilluna fyrir kisur og mat til að koma pillunni niður. og nú er næst á dagskrá að fara út í vekalýðshús að gefa bleika kettinum hans Sigga af því Siggi pabbi hans (kattarins) er á Ísafirði. Mig langar ofsalega til að lita skottið á E-mail Það heitir kötturinn hans Sigga; enég held að þá verði Siggi alveg vitlaus þegar hann kemur og mætir E-mail með litað skott. Honum finnst mín kisa ljót´svona bröndótt en mér finnst að kettir séu ánægðari með strípur.

fimmtudagur, mars 23, 2006

Já ég var hjá Jóni Val meðan Ester var í vinnunni í gær og við horfðum á dýrin í Hálsaskógi og spiluðum á spil sem tók aldrei enda. Svo í gærkvöldi keyrði ég Dagrúnu úteftir í aldeilis kolbrjáluðu veðri það sást ekki á milli stika og ég var nærri komin útaf því ég flaskaði á því að fara utanvið vinstri stiku en grillti í vegkantinn á ögurstundu. Þórdís Kalla fann símann hennar Dagrúnar sem týndist utan við íþróttahúsið. þetta var fallegur rauður sími sem hún fékk í afmælisgjöf og hafði einhvernveginn dottið úr úlpunni hennar. Hann reyndist svo vera ónýtur eins og hefði verið keyrt yfir hann, það var far eftir einn nagla á skjánum....Skinnið....Henni þótti þetta afar leitt.
Og nú er ég aftur komin í Kirkjuból að vera hjá Jóni Val fram á hádegi, og það er ekki snjóarða á veginum, alveg furðulegt, en , það var svo hvasst í gær, 'I kvöld er vatnslitamálunarnámskeiðið. og á morgun bæði 'Arshátíð skólans og Idol Fjandans klúður..Nú skil ég formúlukallana mína. það er ekkert grín að horfa á þetta daginn aftir.. og Halla er búin að hóta því að hringja í mig og segja mér úrslitin strax...Jú ég verð annars að vita þetta strax... Þetta er mjög mikilvægt nærri því eins og Leiðarljós...

þriðjudagur, mars 21, 2006

Snjókoma allt orðið hvítt´. 9 gráðu kuldi í mínus á celsius.ég fór með Arnór og Sigfús úteftir áðan. Jón er fyrir sunnan og JónValur er lasinn o hann hlakkaði svo til að fara í dansskólann og var búinn að æfa sig svo flott í að hneigja sig.

mánudagur, mars 20, 2006

Hó hó sagði Jólasveinninn og hló, svo festi hann hreindýrið sitt í snjó, og hreindýrið dó. Það er mánudagur ég veit ekki enn hvort hann verður nokkuð til mæðu en klukkan er nú að verða eitt.og það sem af er er búið að vera skemmtilegt. Hugsið ykkur hvað maður segir alltaf " allt gott " þegar einhver spyr hvasegiru í dag. það væri algjört bull að segja eitthvað annað. Stundum er þetta sem betur fer satt en oftar en ekki haugalygi. Það er búin enn ein helgi mikið að gerast , margt gott og auðvelt, annað ekki . En allt er þetta einhversskonar próf fyrir mann að koma þokkalega fram og verða heldur til sóma heldur en til leiðinda.

miðvikudagur, mars 15, 2006

Nú er morgunn, miðvikudagur og enn er blankalogn og rauður bátur að landa við bryggjuna.
Ég uppgötvaði í gær að ég er stórsnillingur í vatnsleiðslu og klósettlögnum, ég var reyndar búin að vita þetta lengi en hef ekki fengist við slíkt lengi . En í gær fékk ég þetta líka dúndur tækifæri á að láta ljós mitt skína í þessu fagi. En mikið vill alltaf meira. Og nú finnst mér ég eigi að fá viðurkenningu fyrir afrekið T.d. "Gullna klósettburstann" sbr. Óskarsverðlaunin eða þannig Tíhíhí.
Og nú er kominn annar rauður bátur að bryggjunni, og svo er náttúrlega stóra græna Sæbjörgin. Úppi á landi eru svo Hilmisdruslan sem er orðin drusla af því enginn lætur sér annt um hann eða gerir neitt fyrir hann. Hann ku vera það sem kallað er að grotna niður og hirðuleysið er algjört. Mér finnst að það eigi að hengja krans á stefnið á hverjum sjómannadegi með borða sem á stendur FYRIRGEFÐU GAMLA SKIP.
Upp við Sæsabæ stendur svo minnismerki þess sem getur ekki farið eftir reglum. og heldur að hann sé einræðisherra Ólafur bátur Á hjólakerru.

mánudagur, mars 13, 2006

Tíminn líður hratt þó undarlegt sé. Addi Hildur.Brynjar og Tómas komu og gistu. og fóru á spurningakeppnina til að keppa Þau koma aftur næst í úrslitakeppnina.'Eg fór í Idolveislu ''A föstudaginn hjá Höllu á Svanshóli Pottþétt pottferð. Innflutningspartý 'I steinhúsinu á Laugardagskvöld. Alveg frábær matur. pottréttur sem Kolbrún leikstýra eldaði. Salöt 0og sósur og multum salve..Þar var 'Asta að verki... bierra grande allskonar tegundir. Aldeilis frábær músahornikk.tveir gítarsnillingar og margir didderídú snillingar.að ógleymdum söngvurum. þarna rifjaðist margt upp. Baráttusöngvar, borðsálmar og allt frá PallaHall til Gamlanóa og 'Olafs Liljurósar einnig var kveðin Grettisromja og Hólmavíkurlög frá ýmsum tímum. Höfðagötublúsinn hljómaði og Þórður bar fram sérvaldar blöndur af aldeilis einstöku gæðakaffi með Köku aldarinnar a la Dúna. 'Uti var blankalogn tunglið og fylgihnettir þess gægðust fram úr skýjum og Friðarkertin lýstu á tröppunum eins og leiðarljós Yfir Höfðagötunni sveif sérstakur galdrablær .

föstudagur, mars 03, 2006

Vikan búin. Það eru allir að fara eitthvað,Skólabörnin. Svana og Nonni suður .Ester og börnin á Sigló, Jón og Siggi á Patró. Halla austur, Lára eitthvað, osfrv osfrv. 'Eg sit eftir alein heima með tvo ketti, Skottu og E-mail í fóðri, Það er þó bót í máli að ólympískum hremmingum er lokið og komið Leiðarljós aftur.Það var annar í vatnslitanámskeiði í gær ég teiknaði hryllilega ógnvekjandi papriku tvær perur og epli sem lítur út eins og ég veit ekki hvað. Þetta er alveg þrusu gaman. Nú eru alltíeinu komin él, Ester er komin á Blönduós og situr þar föst á einhverju hundleiðinlegu dekkjaverkstæði meðan verið er að gera við sprungið dekk. 'Eg er að reyna að gera sparsemdarinnkaupaáætlun fyrir helgina, Mikið skelfilega er leiðinlegt að skipuleggja hluti. Þetta bara hefur gjörsamlega gleymst þegar ég var búin til, að gera ráð fyrir skipulagningarhæfileikum.'Eg get þetta svosem alveg það er bara svo fokking hundleiðinlegt.