<: Ég er að drepast úr hreyfingarleysi...aaaarrrrrgh.
Búin að hanga yfir sjónvarpinu , borða laufabrauð, og lesa í allan dag nema þegar ég skauzt á jólabarnaballið. þar var múgur og margmenni og alltaf jafn gaman að sjá hvað allir voru fínir og glaðir í jólafötunum sínum. Bjarni Ómar söng vel og skemmtilega eins og hans er von og vísa og fjórir Jólasveinar hoppuðu í salinn og gáfu börnunum svala. Það er ömurleg hálka og ekki hægt að fara út að skokka...Á aðfangadag var svælingsbylur og slæm veðurspá svo ég fór ekkert heim þrátt fyrir áð Jóni Gísla fyndist það bévítans aumingjaskapur..Ég fór í aftansöng í kirkjunni og var næstum því orðin mér til skammar því ég var svo syfjuð og löppin á mér var alveg að segja upp..
En það var mjög notalegt jólahaldið hérna hjá mér.allt fínt og flott. Ég borðaði hangikjöt og síldarsalat og laufabrauð í jólamat. og drakk bláberjate og kex með osti í kvöldkaffinu. opnaði allar jólagjafirnar mínar og það var nú ekkert smáræði. fékk sex bækur, tvo engla, Jólasvein, lampa, fullt af flottum myndum, Körfu með allskyns góðgæti, kerti, skrítinn stein, Æðislega hillu sem Nonni smíðaði, og geisladisk sem Árdís tók upp heima í Steinó, Svo talaði ég við Árdísi ,Hönnu Siggu og Gústa, svaf yfir biskupnum í sjónvarpinu og las á jólakortin sem eru hér hjá mér og drattaðist svo í rúmið.las eina línu og svaf svo til hálf tíu á jóladagsmorgun.