Sunnudagur.. var að vinna í gær af því að Grétar var að smala. en vaknaði eldhress í morgun og skellti mér i sundlaugina kl 10 og svamlaði 500 metra. síðan fórum við Björk í reisu lögðum af stað kl eitt, fórum ásamt Bangsa Á Vodafone kagganum og lögðum leið okkar , Fyrst yfir Steingrímsfjarðarheiði síðan yfir Kollafjarðarheiði þjóðveg 66, og K.K söng fyrir okkur lagið um þjóðveg 66 mjög óvænt þegar bifreiðin stritaði upp efstu brekkurnar. Þarna er furðulegt landslag að ekki sé meira sagt...Við kíktum að vinnubúðum Fyllingar en þar sást ekki neitt lífsmark svo við héldum áfram ..Símasamband komst á hjá Skálanesi og þar tilkynntum við Upplýsingamiðstöðinni á Hólmavík og Smára í Borg um ferðir okkar. Næst var haldið í Bjarkarlund þar sem Björk keypti sér matarstell úr tré og ég keypti fullt af Jólagjöfum fyrir börnin mín..Duglegar !!!!!
Ókum síðan sem leið lá út í Borg og Drukkum kaffi hjá Möggu og hámuðum í okkur kökurnar hennar, Smári var að bjarga syni sínum með bilað vélhjól. síðan komu þeir og Smári blessaði yfir vélina í Vódafónbifreiðinni sem hafði verið með dynti síðan á leið 66. Magga hannyrðameistari gaf mér svakalega fallegt heklað sjal aaalveg rosalega fallegt....Bangsi hreiðraði stax um sig í sjalinu og við ókum af stað.. Ekki hafði vélin alveg læknast og lentum við í áhættuatriði við að beygja inn á Tröllatunguheiðarveginn þar sem bifreiðin drap á sér þvers á veginum mér tókst þó að skjóta henni frá áður enn tveir bílar á vesturleið æddu yfir okkur..púff púff... Þarna á vegamótunum voru Jón Gísli, Brynja og Ásdís og Lovísa Rut að Bíða eftir Sólrúnu sem ætlaði að taka dóttur sína með vestur. þau fóru síðan heim yfir Steinadalsheiði, en við yfir Trölla heiði. Heim komnar hittum við Nonna Villa sem er sérfræðingur í Tojota platínulækningum hann fiffaði ...ég meina læknaði draslið í kveikjulokinu stillti það og skrúfaði svo nú malar gamla Tojotuvélin eins og hún væri orðin ung aftur. Ég smellti mér í sundlaugina , en Björk fór heim og Bangsi lagði sig, þreyttur ferðabangsi. Vinna á morgun... Þetta var nú æskileg tilbreyting frá grámusku hversdagsleikans......