Hérna áður fyrr ætlaði ég sko að hætta að standa í matseld þegar börnin mín væru uppkomin.
Og setjast við borð og borða hjá öðrum. það hlyti að vera notalegt.. án þess að vera að hafa fyrir þessu sjálf. Það var svo mikill bakstur í sveitinni. Og alltaf matur og grautur bæði í hádegi og kvöldmat.. Kökur með morgun, miðdags og kvöldkaffi.. Það gat oft verið þreytandi, og krafðist heilmikillar hugkvæmni, bæði að verða alltaf að hugsa hvað ætti að vera í matinn og hafa þetta sem fjölbreyttast..
Helgarnar gátu verið sérlega erfiðar.. meðan ekkert rafmagn var, á helgum var alltaf fullt af gestum, Og þá reyndi nú á húsmóðurina allur þessi uppþvottur. það ætlaði ég nú að fá mér uppþvottavél fyrst af öllu ef einhverntíman kæmi rafmagn....Mér hefur alltaf fundist að maður ætti að vera úti á sumrin og ekki að eyða lífinu í uppvask. og þá einkanlega ekki um helgar....