Ég barasta skil alls ekki hvað ég hef lítinn tíma til að skrifa og þó... ég hef verið að heiman tvö kvöld í röð af því að ég gerðist ferðaþjónusta og þjónustaði fullt af gersamlega óskiljanlegum spánverjum og kom þeim í rúmið og lét þá hafa kodda sem þeir áttu ekki að fá af því að þeir voru með svefnpokapláss. Ester er með börnin á Sigló, og Hildur er á kennó á Ísó, og Jón og Addi eru að ljúka Uppódæminu, síðasti dagur á morgun þar. þeir voru á borðtennismóti í gærkvöldi og unnu, meðan var ég að fást við Spánverjana, og nokkra syfjaða vegagerðarmenn. Í kvöld var ég enn að grauta í útlendingaherdeildinni meðan Jón reddaði upplýsingamiðstöðinni. Dagurinn á setrinu var góður það kom fullt af skemmtilegu fólki, og ég bakaði helling af kökum og smávegis vandræði. mér finnst ég algjört séní...