Ég var í allan dag að hreinsa sviðalappir þeas.með allskyns frávikum og útstáelsi.. Fara að hjóla, fara upp á heilsó,fara í kauffóið, fara upp í skóla, fara út að Kirkjubóli þar lenti ég í að rýja tvo unga menn Jón Val og Sigfús, sem vildi fá klippingu og skott eins og Lói litli.
Arnór fór hinsvegar með Jóni og Finnu og Benedikt vini sínum að smala. og verður klipptur síðar. Þeir eru að safna hári eins og trommuleikarar hafa.
Seinnipartinn fór ég með Guðbrandi Baldurs sem átti erindi út í Vík (Ekki Vélsmiðju) í kaffi til Dalla. Ég hef aldrei komið í bústaðinn fyrr en þetta er hið notalegasta hús sem þeir eiga þrír saman bræðurnir. það er alltaf hressandi að hitta Dalla, gaman að spjalla við hann. Hann hefur verið með bátinn sinn á Drangsnesi í sumar. Ég skildi vodafone kaggann eftir við veginn upp á Bjarnarfjarðarhálsinn og ætlaði að skreppa þarna yfir en það var orðið svo framorðið og ég ætla að kíkja í dag í Skarðsréttina osfrv.
Laufey er að fara í dag hún ætlar hvorki meira né minna að skreppa á Hallormsstað í partí..Dugleg... Það hefur verið gott að hafa hana hér og kynnast henni Ég vona að hún eigi eftir að koma hingað oft.
Kattarskottan má ekki vita að hún sé að fara þá leggst hún örugglega í þunglyndi.
það er nú meira hvað hún er sleikjuleg við alla sem koma hingað.
Svo er hún grautfúl þegar ég er ein hér þó ég klóri henni og klappi og gefi henni að éta. Einstaklega snobbað kvikindi. Greyið...