Athafnadagur og fullt af fólki. Jóa í Svansvík og Jóna og Rúna komu í kaffi og Kristján og Lára og Gloppa sem er alveg hætt að standa í eina löppina, þau reyndu að gefa mér hana, á þeirri forsendu að við yrðum í stíl úti að labba . . grey tíkin... Djók...
Nonni tengdó kom og hjálpaði mér við að svíða fullt af löppum, ég hefði örugglega verið í marga daga að þessu annars. Nú svo verður sviðaveisla og hann verður fyrsti boðsgestur.
Dalli kíkti á okkur, hann var á leið út í Vík. Nú og svo og svo og svo. Borgaði tvo helvítis reikninga. Nú verð ég að fara að sækja bílinn minn hann stendur hér úti á miðri götu á ská eins og eitthvert stíllaust fífl hafi lagt honum. Það er ofsalega fallegt hérna á Hólmavík þegar fer að skyggja og götuljósin kvikna. Á morgun ætla ég að gera eitthvað skemmtilegt. Núna er klikkaða löppin mín alveg eins og á Gloppu, hún hangir bara á...
Ég er að byrja að hekla rautt ponsjó fyrir Haddý. Ég var búin að gleyma hvað það er gaman.
Hvað ætli margt fólk geti sagt með góðri samvisku að það sé hamingjusamt.
Ég - oftast - svona í aðra röndina.... Það er svo margt sem getur glatt.