Góð ráð fyrir þreklausar konur, það er víst alveg óbrigðult, ég hef að vísu ekki prófað það enda er ég alveg gjörsamlega þreklaaus, en semsagt og haldið ykkur nú fast: Slökun... Minnsta kosti tíu mínútur tvisvar á dag,, tæma hugann og ssssllllaaakaaa aaaaá, Rísa síðan upp fílefld og skælbrosandi og hamingjusöm, gera fáeinar velvaldar leikfimisæfingar og anda mjög djúpt,.Fara síðan út að skokka smávegis aðrar tíu mínútur, spyrjið mig ekki hvenær maður finnur sér tíma til þess arna, síðan verður maður skokk og slökunafíkill og þar með er takmarkinu náð. Verst ef maður er matafíkill líka. En þá er ráðið við því að borða bara minna og alveg í réttum hlutföllum. miðað víð það þjóðráð er mjög einkennilegt að svo margir eru yfir kjörþyngd, segja þeir grönnu.
Vikan þessi hefur liðið hratt, síminn minn var lokaður og ég komst ekki til að opna hann fyrr en í dag, og þar af leiðandi gat ekki komist heldur í tölvuna. hefði einhver sagt mér fyrir tveimur árum að það yrði vandamál hjá mér hefði ég ekki trúað því.
Ég passaði Tómas og Brynjar pínulítið í gærkvöldi meðan Hildur og Addi fóru á leikæfingu.
Þeir eru svo litlir fínir og hjartanlegir og indælir.