Mánudagur og rok í vændum ekkert snjóföl í dagTíhí. Jón fór í orðabókina og ég hafði rétt fyrir mér...Mér finnst ég vera prófessor í íslensku allavega algjört séní....muhhhööö. semsagt montrassgat. Ég letihaugaðist í bólinu í morgun og las þangað til klukkan var orðin of margt til að fara´í ræktina (hjóla) svei svei. Svo kíkti ég út og sá að Siggi A. sem þýðir bæði Atla og Afi ,,var að troða spónaplötu inn í bílinn sinn úti hjá galdrasafni. ég rölti þangað og hann var að fara norður að setja fyrir gluggann á afgreiðsluskúrnum hjá kotbýlinu. Hann hafði áhyggjur af að það þyrfti að festa skúrinn svo hann fyki ekki en kannske er nú Maggi búinn að því.
Árdís klukkaði mig og það þýðir að ég verð að ljósta upp um fimm atriði um sjálfa mig og sem fáir vita. ...Vita ekki allir allt um mann?
Hún nefndi að það væri ætlast til að eitt atriðið ætti að vera á kynferðislegu nótunum. en ég held að þær nótur séu nú einkamál .
Best að reyna að tína eitthvað til.
1) Mér finnst skyrhræringur vondur.
2) Ég hef gengið yfir fjallið Þorbjörn við Grindavík og upp á Grænudyngju en það er það hátt að maður horfir niður á Keili eins sem er þaðan séð eins og lítið peð.
3) ég hef prjónað 18 lopaeysur í einum rykk.
4) (og 5) Það NÆSTBESTA sem ég geri er að fara í sund, heitan pott og bað. svo ég hef sennilega verið hitabeltisfiskur í einhverju af fyrri lífum.
Að þessu búnu klukka ég Söbbu, Svönu, Höllu og Jónu. og mega þær bara senda mér tölvupóst úr því þær eru ekki að blogga hehehe.