Hamingju hugleiðingar. (Séð með augum ‘Asdísar)
Hugleiðingar um hamingju eru trúlega jafnmargar og mismunandi og fólkið er margt.
Sumir eru svartsýnisfólk og finnst það afar gáfulegt að segja að hún sé ekki til og mála skrattann í hvert horn og virðast þrífast sem best á því sem aflaga fer og njóta þess að sýnast öðrum mistakast og finnst öll leiðindin vera hinum að kenna. Því þessir “hinir “ séu svo mikil fífl og asnar.
‘Okey ég telst líklega til skrítlinga þeirra sem sjá þessa hamingju í mörgu venjulegu jafnt og óvenjulegu. Mesta hamingju finn ég í samskiptum við fjölskyldu og vini, og annað fólk er líka inni í myndinni.
Svo eru þessi óteljandi atriði í kring um mann, litlu persónulegu hlutirnir. ‘Eg er mjög háð þeim , ýmsu sem minnir á góðu stundirnar í lífinu, Hlutir, ljósmyndir, umhverfi, tónlist ýmiskonar, hún er afar stórt atriði, og eftir því sem ég eldist og er líka orðin amma og langamma finn ég enn meira fyrir því hvað unga fólkið og börnin eru dýrmæt og yndisleg.
‘Aður fyrr og ég yngri var ég alltaf að elda og baka og skúra skrúbba og bóna (og prjóna, sauma föt, þvo þvottinn á þvottabretti, hafa ekki rafmagn og allt sem því fylgir (olíulampaljós) vera dugleg kelling og húsmóðir, eignast börn ,moka heyi og elta rollur, alltaf nóg að stússa og snúast.
Það var á síðustu öld, nú hef ég tíma til að gera margt annað og það er góð upplifun fyrir gamla sveitakellíngu, mér þykir reyndar slæmt að geta ekki labbað um landið eins og áður en í staðinn er bara að keyra þangað sem mann langar til að fara og horfa í kring um sig, ‘Eg elska líka gamla bíla og gömul hús, og hef erft þá fönduráráttu frá móður minni að hafa gaman af að smíða, mála, og búa eitthvað til. ‘Eg er líka óbetranlegur dótasafnari og bókin “Burt með draslið” vekur mér skelfingu.
En meir af hamingjunni. Njótið þess að hlæja og gráta með vinum ykkar.
Horfið á fjöllin, haustlitina, blómin, grænkandi jörðina á vorin, sólina sem dansar á hafinu á jónsmessunótt, tunglskin, stjörnur og norðurljós, alla fuglana dýrin og ungviðið, mömmur, pabba og börn, afa og ömmur full af lífsreynslu og visku, hlustið á tónlist, kveikið kertaljós og njótið rómantískrar tilveru.
Munið ást og kærleika þegar þíð eruð sorgmædd,